2001年2月1日(Thursday)
唉~~~覺得自己有時真係好冇用!!! 呢樣又做唔掂，果樣又唔得。
都唔知自己可以做d乜。好多人都叫我唔好走，起碼每個月都有
一份穩定既人工收....! 唔駛夾硬減低人工出去做第二份...! 唉~~我
都知,但係有時我真係好唔甘心咯~~~~~我唔知自己呢d係咪叫搏呀....
我只係唔想成世係呢到做，唔想用咁多時間係呢一間無得比我發展
既公司。有人話理想同現實永遠都係兩回事，唔可以同步進行，無
乜幾多人可以去左一份自己理想既工.....! 忽然覺得好沮喪......樣樣都
唔掂，唔通我真係要咁咩? 忽發奇想......好想番澳洲發展...
2001年2月8日(Thursday)
原來有時想幫人，但係自己係唔識得點去幫。見到jackie佢咁唔掂，
好想扶番佢起身，但我唔知可以做d乜呀。明明見到佢肯爬番出來，
點解佢又要咁 ? 有時我覺得自己都好累呀，我唸極都唸唔到一個最
好既方法去幫佢，勸又勸過，但係我唔明點解佢梗係要唸埋一邊，
我鄧佢辛苦呀，我自己都覺得吃力，因為明明自己要救呢個人，但
又無能為力咁，我唔知呀....我究竟仲可以點 ? 如果佢係第二個既，
我會盡左我本份就算，唔會去強求d乜野，但對住jackie我唔可以咁
樣做，因為我有我既苦衷.......呢個妹我唔理唔得~~~~~!!!!! 有無人可
以教下我點做??????
2001年2月10日(Saturday)
有時候自己一個靜下來時，總會唸番起阿傑 -- 我第一個男朋友。
其實回想番原來自己咁多年都冇忘記過佢，就算期間鍾意過幾
多人，愛得幾轟烈都好，原來係我心入面最愛既係佢，或者可
以話其實係佢hurt得我最緊要。分開之後，曾經遇上過兩次，不
過感覺都不是太好。有時唸唸下，同佢一齊的日子其實沒有真
正開心過，反而充滿憂慮同傷心，但人面對愛情時往往都會埋
沒左理智。唔知.......佢而家既生活過得點呢 ?
2001年2月21日(Wednesday)
今晚係我咁多年以來最難忘既一晚，因為我出席左一個填詞
比賽，仲負責演繹我朋友 -- 小斑既作品添。呢次係我第一次
參加呢d公開既比賽，仲記得初賽果日，心情緊張到不得了，
唔記得歌詞，甩了音......原全係一個第一次參加既表現。幸好，
小斑的詞是信心的保證，可以順利入了決賽。這個多月來，
我不斷反覆又反覆地練著同一首曲，聽著同一首background
music，背著看過不下三十次的歌詞.....這些這些，都好似係
尋日先發生。終於都到左今晚既決賽，成日擔心會唱得不好，
成日擔心會忘記歌詞，又會擔心拍子入得不準.......更加擔心
的是，我這個表演初哥會怯場。不過一切都在順利的情況下
完成了，我沒有唱錯歌詞，我沒有入不準拍子，更加圖沒有
怯場，心也就在這時候真真正正的定了下來。我很感激小斑
給我這次的機會，如果她的朋友沒有臨時改變主意；如果她
沒有考慮試用我去唱；如果我沒有答應去演出，我想我會後
悔呢！從前的奈奈，self-esteem是很低的，覺得自己好像一無
是處，沒有吸引的外表；沒有完美的聲線；沒有人急智生的
口才.......這些都會令到我將self image放得很低很低，但2001
年，就好似要幫我脫開這層陰影，換出一個清新既自己一樣，
做了很多以前自己不敢去嘗試的事，而這次的比賽，雖然不
是拿了很高的名次，又或者著眼點不是落在演繹者身上，但
今次的經驗，令我得到了很多，見識了很多，希望以後有更
多這些機會去見識見識。
最後，真的很感謝我從網上認識了不太長的時間，但大家很
投契的朋友 -- 小斑，沒有她，今天我仍不知自己原來都可以
站在台上，讓台下的人聽我唱歌.........謝謝你 ^_^
「來來孩童排著坐，要專心聽課，聽我唱歌...........」
2001年2月25日 (Sunday)
聽日係我既假期，不過聽輔晨咁早要去見工，分分鐘仲要早
起身過平時返工，因為我要去到機場見工，今次係見港龍航
空公司做graphic designer，唉~~~~晨早就去旅行咯!!! 今晚都
係早d訓啦....唔係遲到就衰啦，哈哈~~~!!!!! 請呀~!
2001年2月26日(Monday)
今日一朝早6:30就起身，預備好哂d野就出門口去"旅行"，事
關我要入到去機場見工，唉~~~真係好鬼眼訓呀!!!!!! 唯有靠係
機場巴士到訓下咯。終於都見完工啦，佢話等消息再second-in
喎，咪等咯~~!!! 不過由我屋企果到入去真係遠左少少，如果
第日佢請我，我咪日日有得旅行!? 呵呵~~~~!!!!