25/12/2000 (X'mas)
一切由聖誕開始，我既日記都係一樣，今日開張。祝各位都聖誕快樂 ~
2000年就快過去啦，過去一年實在發生太多事啦，有愛情啦、有友情
仲有親情添，不過呢d都已經過左去啦，我希望2001年係一個好開始，
唔單上對於我，對任何一個都係。新既一年，大家都會開開心心，樣
樣順利。 ^_^
20/1/2000 (Saturday)
自己好鬼死懶，好耐都無心機去update自己既homepage，對上一次
已經係聖誕節果日啦，都未夠一個月既，呵呵~~~!!!! 就快新年啦，
今年係我既「絕戀年」，唔想去愛上任何人，亦希望暫時唔會比人
愛上。因為想做好自己既工作先。^_^~
26/1/2000 (Friday) 年初三
今日係大年初三，拜個年先........祝大家新一年都健健康康，無病
無痛，最緊要人人有工做。哈哈~~~!!!!! 今年新年都無乜出過街，
一來d舖頭又唔開，二來都唔知去邊到好，所以呢就慳番d錢啦。
到而家我總共收到成千蚊利是啦，呵呵~~~我會繼續努力啦。我
希望自己新一年可以轉工成功。係咁多o者~~!! ^_^
28/1/2001 (Sunday) 年初五
聽日又要番工啦，一連五日既假期又完結啦，真係有d唔捨得啦!
不過其實係屋企都無咩野做既，有時番工都好，同d同事傾下，
做下野又一日啦。好啦，大家一齊努力啦~!!!! 開工大吉!!!!
31/1/2001 (Wednesday)
唉~~~今日去見工，其實都預左衰架啦，不過見完之後總係有d
唔開心架嘛。都岩既，我係老細都想請個有experience架啦，唔
通要由頭train up我咩!? 都唔知點好，唔通我唔走會好d咩? 但係
我又唔係好甘心成世留係到做咯~~~唉!! 理想與現實唔通永遠都
唔可以同步進行架咩??? 咁我點算好呢 ????