2000年3月3日 (Saturday)
今晚同左幾位匯點朋友去食飯，雖然人少少，不過都食得
好開心，印記既 "禁室培育" 疑雲，真係好好笑，hahaha!!
雖然第一次我冇乜話題同佢傾，不過從佢地傾既內容其實
都學到野既，至少大家對音樂真係好熱衷，希望以後多d
機會大家再傾計仔啦，呵呵~~~~~!!!!!
2001年3月4日 (Sunday)
今日心血來潮又整過個 index page 既 design 啦，都幾滿意
啦。聽日又要番工啦，有時覺得每個禮拜都番工、番工、
又係番工，都幾鬼悶，但唔番工又可以做d乜呢 ?? 唔知呀，
人有時真係幾悶。
2001年3月5日(Monday)
唉~~~一切都有哂定案，懶人就自有報應既，都無白費我
捱義氣捱左咁耐，呢d野係佢自己囉o黎架乍，唔關我事。
呵~~~以後又可以繼續工作，回復平靜，yeah~~~~~~!!!!!!!
自問都唔係一個懶既人，應該會有好報既，哈哈~~!!
硬係覺得今年生日會好特別，唔知點解，因為2001年開始
就試左好多之前冇試過既野，咁今年生日會唔會.......有粒
鑽石纏下身咁呢?? hahaha.....係就唔怕纏呀!!! ^0^
2001年3月8日(Thursday)
今日好開心呀，因為收到「保良局」寄番o黎既信，通知
我已經收到我既支票同埋已經知道我助養既兒童係邊個。
礙於 privacy，我只可以係到叫佢做「chee」，係一個兩
歲既小男孩。當初我決定參加呢個助養計劃都係好偶然
既情況之下參加，心唸︰既然自己做到既咪做咯，況且
佢一年既助養費都係 $1200，我覺得好值得去花呢$1200
咯，仲用得好開心添呀。除左「保良局」之外，我仲參
加埋「宣明會」既助養計劃，好心急等佢地寄番d資料
比我呀，唔知又會係一個點樣既小朋友呢 ? 老實講，自
並唔係果種鍾意小朋友鍾意到不得了既人，所以未來既
日子，我自己都可能無乜時間去探 chee，但係幫到有需
要既人，個人硬係開心d既，呵呵~~~!!!! ^^;
今日係公司激死我，果個阿me都離哂譜，人地問佢部
scanner可唔可以scan相，佢居然走來問番我，嘩~~你冇
病呀 ? scanner唔可以scan相 ? 如果你問我可唔可以用到
ocr去scan 文件我都無咁興，都係衰架啦，哼~~佢自己
唔想做就唔想做啦，成日坐係公司成座佛咁，嬲得我
丫~~~~!! >.<"
(p.s.呀~~~阿chee同我都幾有緣喎，佢同我一樣都係 5月
生日架。)
2001年3月13日(Tuesday)
尋晚同阿妹傾完電話，傾左好多野，唉~~~我地大家
都發覺原來有好多野係我地不知不覺間轉變左。我
唸以前大家都有果句講果句既日子，係我地大家出
來社會做事後要改下個習慣，因為......防人之心不可
無，我當然希望個個同我相處都天下太平，大家唔好
勾心鬥角，鬥智鬥力咁辛苦啦，不過我唸都好難。
唯有同阿妹一齊努力啦，哈哈~~~~!!!!
2001年3月14日(Wednesday)
我好唔開心呀，做什麼個結果都一樣~~唉!!! 仲有咩
意思o者~~!!!!! 多野做我唔介意咯，但係做得好唔開
心，點解懶人同我地都一樣囉咁多人工，佢既野要
我地其餘三人做埋? 無論我地做得點好，點努力，
佢地d人都只會將我地看成好似懶人一樣，永遠覺
得我地唔會做出d咩好野，工作能力永遠咁低，點
解要係咁o者~~~~~好唔甘心呀!!!
哇~~~~~~!!!!! >.<~
2001年3月16日 (Thrusday)
今日媽咪生日，Happy Birthday呀媽咪~~~~!!!
今日阿me一番到公司就捉住我地講佢同佢男友
又嗌交啦，係呀，係又呀~~~~我都聽到悶啦!!!
佢話喎︰唔滿意個男友同個friend以前既女友
打招呼喎，跟住番到屋企又對住佢男朋友大吵
大鬧，唔知個男既係咪忍得太多呢，居然好鬼
man咁同個女講︰見到你都想嘔呀!!!! 嘩~~好
正咯，簡直痛快呀，一早就要咁講啦。唔係女
仔唔幫番女仔，不過係幫理不幫friend，更何
況我無當佢係friend，呢隻懶精平時都搵得我
地笨多啦，呵呵~~~!!! 不過佢隻野真係唔鬼怕
死，個阿head出來我後面個位晝梗個graphic，
佢都仲夠膽死打電話去鬧佢男友，佢話唔忿氣
喎，佢話過死都唔打番電話比男友先，又唔知
點解而家會打架呢.....女人都係善變既! hahaha!
講番句公道說話︰唉~~~分手啦! 唔係黑心架，
根本兩個都辛苦，兩日一小嘈，五日一大吵，
家下好好玩咩~~~~!!! ^^"
2001年3月17日(Saturday)
今日好開心，因為同阿妹去唱k時，見到我
朋友，哈哈~無唸過咁都撞到。原來係 個你
無唸過會撞到熟人既地方見到朋友，係會好
開心架，哈哈!!!
Isis -- 一個同我同一類別既人，大家關係就
好似....都唔知點講好，總之我同佢唔係情
人，又唔係普通朋友咁簡單，哈哈~~~我只
係知道佢比我既感覺好正，好舒服，無壓迫
感，大家亦都無向大家交待過d乜野，更加
無promise過d乜野，所以....我都唔知點講我
地既關係....哈哈!! 不過佢真係一個特別既人!
2001年3月22日(Thursday)
突然間......很有想死的感覺。把家人嚇著了，
對不起，但是我自己也不知在做什麼，好
像自己無論做什麼，在別人眼裡都變得沒
有了意義，其實....還需要我的存在嗎 ? 以
前總深信每一個人都有其存在價值，但由
這一刻開始，我信心被動搖了，忽然很不
知去向，又站回最初的十字路口了！
今天一回家，便將自己躲在房裡，放聲的
盡情哭一場，很久沒有試過這樣了，覺得
心裡面有很重很重的負擔要吐出來。。。
沒有心情了，就此擱筆.......