2001年4月4日 (Wednesday)
尋日去左見一份工，間公司係做 IT Training，
感覺上，雙方都幾滿意大家，不過都要等消
息既。有時唸，會唔會自己急左少少，好驚
自己到頭來會揀錯工，唉~~有時都唔係好知
自己想點咁，但係就好唔想再係呢間公司做
啦，因為每一日都過得好辛苦，好唔想番工
既感覺越來越強，唉~~咁樣做落去其實都無
乜意思，不如早d走好過啦~!!!
2001年4月14日 (Saturday)
今日係 BJ 生日，happy birthday to my lovely BJ!
呢幾日都放假係屋企，真係可以休息下啦，不
過下個禮拜番去又再辛苦過lu~ 下星期二又會
去見工啦，呢間公司係做online media既，鍾唔
鍾意呢份工 ? um...都鍾意既，有關 IT 既我都
鍾意既....呵呵~~ aiyo...又要著靚靚番工啦!!!
2001年4月15日(Sunday)
今日夜晚我親自下廚呢，heee~~~因為daddy媽咪
都唔係屋企，只係得我同家姐，我又唔想家姐食
埋哂d無益既野嘛，咪唯有煮咯。哈哈~~我發覺
自己真係一個天才小廚師呀，居然係百佳行左一
個round乍，就唸到哂整咩啦，呵呵~~有天份!!!
終於我整左"蒜蓉豬扒"、"煎銀雪魚" 仲有一煲
"龍蝦湯" (<-- 不過係罐頭既 =P )，哈哈~家姐不
知幾欣賞呀......
今日夜晚番屋企時，樓下有隻貓貓，d毛色好靚
架，好似"what's michael"入面果隻"米高"咁架，
又似我以前細個時係婆婆屋企果隻瞄喎，佢坐
左係地下，眼碌碌咁望著我，好鬼 cute架，真
係好想拎佢番屋企，不過我知道我拎佢番屋企
一定家無寧日， 莫講話我媽咪唔鍾意貓，我唸
我媽咪未番到屋企，隻貓貓都甩哂d毛啦，因為
我屋企仲有兩隻完全唔接受其他佢地眼內所謂
既「外來入侵者」，任何有機會同佢地爭寵既
物體，到佢地面前都會變得體無完膚，唉~~~~
都係唔好罵左隻貓貓啦~~~~!!! ^_^"