2001年5月5日 (Saturday)
今日.....唔開心，你知唔知點解我唔開心 ?
你點會知丫，不過而家無乜事啦，因為我
聽番自己寫過既一首詞。原本呢首詞我係
寫比人架，但每次我唔開心聽番呢首歌既
時候，我都會好快無事，又會重新振作起
來。曾經覺得身邊冇一個係真真正正了解
我既人，有時又會問自己，究竟係咪自己
過份隱藏，以致好多朋友都難於了解我 ?
不過估唔到睇番自己寫既詞，居然都可以
釋懷到，總之每次聽完之後，就算之前有
人令到我唔開心，激嬲都好啦，我都會係
到唸︰算啦~~無謂唸咁多，咪盞自己唔開
心!? 咁樣自己原來會開心d架 ^_^"
2001年5月6日 (Sunday)
最近發覺自己唱歌唔同左，唔知有乜唔同
呀，不過硬係覺得好過以前啦，哈哈~~~!
今日都冇乜野想寫，唉~~~可能心情始終
有d唔好掛!! 點解 ? 我自己都想知點解喎!!
2001年5月9日 (Wednesday)
唉~~今日同左 Jocelyn & Agnes去食飯，嘩~~
果間叫 "Carrot Cafe" 既意大利餐廳，d野食
好好味呀，份量又唔會太多，味道好正，
特別要介紹下佢地既dessert，真係正到流
哂口水，佢地既 Tiramisu好好味~~d 咖啡味
好夠，佢有少許既酒味，但唔係太濃，正~
仲有就係佢地既蘋果批，即叫即整不特止，
外皮好鬼死正，總之，呢間野真係無得彈，
氣氛又好，我一定會再去架!!!! ^_^ 你地都
試下啦~~~ ^^;
2001年5月10日 (Thursday)
今日係自己既生日，自己生日快樂呀~~!!
我真係好希望可以每一日都咁開心，精
精神神，仲有個我以前覺得好戇居好老
土既願望，我真係好希望可以世界和平，
無仗打就最好啦。尋晚同jackie出左來慶
祝，本來我地係唱緊 k 架，但係我地兩
條友仔唱唱下都無心機唱，反而係坐係
到傾計，哈哈~~~~學我個 cheap friend 話
齋，我地傾計都傾得貴咯，呵呵~~~!!!!!
不過傾得好開心，有好多野我地都傾左，
最衰阿華唔o黎得啦，如果唔係我地仲多
野傾呀，我地三條 cheap野好耐未傾過計
啦~~~~!! 真係想快d到下星期六，約埋阿
華出來再傾餐飽既，不過今次唔會再去
k 傾啦，哈哈~~~~!!! ^_^ 點都好，今年
生日總算過得不錯，係一個好既開始!!!